اهــــــلا بــــك
اســرة منتدى قشطوخ ترحب بك
ونبلغك بأنك تستطيع مشاهدة كافة الموضيع ولكن لا يمكنك الرد عليها
ان كنت تود اضافه رد فعليك بالتسجيل
نرجو ان يكون منتدانا هدفكم الذى تبحثون عنه



انضم إلى المنتدى ، فالأمر سريع وسهل

اهــــــلا بــــك
اســرة منتدى قشطوخ ترحب بك
ونبلغك بأنك تستطيع مشاهدة كافة الموضيع ولكن لا يمكنك الرد عليها
ان كنت تود اضافه رد فعليك بالتسجيل
نرجو ان يكون منتدانا هدفكم الذى تبحثون عنه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


2 مشترك

    حواديت وحكايات جحا

    avatar
    محمود سعيد
    قشطوخى نونو
    قشطوخى نونو


    عدد الرسائل : 16
    العمر : 41
    السٌّمعَة : 0
    نقاط : 1
    تاريخ التسجيل : 25/04/2008

    حواديت وحكايات جحا Empty حواديت وحكايات جحا

    مُساهمة من طرف محمود سعيد الثلاثاء أبريل 29, 2008 2:34 am

    حواديت وحكايات جحا 4انا اشتريت كتاب اسمه نوادر جحا عجبني قلت اخليكم تقروه معايا كتبت المقدمه اهي
    وكل يوم هكتبلكم صفحه من الكتاب لحد ما نخلصه لو عجبكم هنكمل
    هيا قصص علي شكل اشعار وفي نفس الوقت مضحكه معرفتش احطها في انهي ركن عموما لو هيا مكانها مش هنا انقلوهاحواديت وحكايات جحا 5


    شخصيه جحا نادره عجيبه عاشت في كل زمان ومكان
    كان فليسوف بس بطيبه وبرده اهبل في الاحيان
    سمعنا عنه وكان ياما كان وكل جيل يسمع نوادره
    قرينا عنه كتير وكتير لسه الي جاي بكره هيقرا
    مايهمناش كان عايش فين في مصر ولا في تركيا
    عايزين بنكته نعيش راقيين بنكته الراقيه الشعبيه
    شخصيه جحا مش خرافيه والبحث اثبات كان موجود
    وانا قريت وتعبت شويه لاجل الاحبه بذلت جهود
    يا مبوزين دي الدنيا بخير والضحك احسن شئ فيها
    ماحناش حانفضل فوقها كتير ايام قليله بنقضيها
    وهنسيبها وعلي طول ماشيين يبقي ليها ننكد فيها
    ===================================
    اهي اول صفحه _1_

    جحا في يوم قال لجيرانه لو جبتو الحلل عندي تخلف
    قالو عليه الناس مجنون عبيط وجاهل بيخرف
    فيه جاره قالت مش يمكن المعجزات من تاني تعود
    ودت نحاس البيت كله حواديت وحكايات جحا 4 وكل حله تجيب مولود
    راحت له بعد ما فات شهرين حواديت وحكايات جحا 4 تسأل بلهفه علي نحاسها
    قام قال لها حللك واضعين حواديت وحكايات جحا 4 وكل حله في نفاسها
    بعد اسبوع ابقي تعالي حواديت وحكايات جحا 4 تاخدي الصغار وتربيهم
    فات الاسبوع دغري راحت له حواديت وحكايات جحا 4 عايزه الحلل تطبخ فيهم
    جحا اللئيم دغري اداها حواديت وحكايات جحا 4 حبه حلل قد الفناجين
    قال دول ولاد حللك ياختي حواديت وحكايات جحا 4 صبرك شويه الصبر جميل
    الجاره فرحت واتهنت حواديت وحكايات جحا 4 بكنز جالها ما كان علي البال
    دارت في وسط الحاره تقول حواديت وحكايات جحا 4 جحا ملهوش في الدنيا مثيل
    سمعو الجيران منها وراحو حواديت وحكايات جحا 4 واخدين نحاسهم كله قوام
    علي بيت جحا في الحال ودوه حواديت وحكايات جحا 4 من غير مناقشه واي كلام
    راحوله بعد الشهر ما فات حواديت وحكايات جحا 4 مستنظرين ياخدو المواليد
    جحا اللئيم دغري قابلهم حواديت وحكايات جحا 4 وقال كفي الله الشر بعيد
    حللكو ماتو لا حول الله حواديت وحكايات جحا 4 ساعه الولاده وحعمل ايه
    اعمار بيد الله فعلا حواديت وحكايات جحا 4 والموت ما حد يعارض فيه
    قالو هيه الحله تموت حواديت وحكايات جحا 4 ما تقول كلام غير دا يا جاهل
    قال اللي تولد برده تموت حواديت وحكايات جحا 4 مفيش مكاسب بالساهل





    جحا في يوم رايح مشوار راكب حمارته ومستعجل
    وابنه ماشي بيجري وراه عايز كمان راخر يوصل
    الناس شافوهم قالو خلاص مفيش في قلب الناس رحمه
    راكب وسايب ابنه وراه يتعب ويعتر في الزحمه
    جحا سمع قول المخاليق قام خد وراه ابنه الغالي
    الناس شافوهم قالو حرام الاتنين كدا راكبيت عالي
    نزل جحا علشان الناس وخلا ابنه خلاص راكب
    الناس قالوله يا راجل عيب وضعك يا راجل مش عاجب
    ازاي تسيب ابنك يركب وانت وراه ماشي بتجري
    هيه الاصول ضاعت يعني ولا الادب راح من بدري
    جحا زهق من قول الناس وقال لابنه خلاص انزل
    فاتو الحماره ومشيو الاتنين ورا منها العقل اتبرجل
    الناس قالو لا حول الله ماشين وسايبين حمارتهم
    صحيح غباوه وشغل جنان الله يخيب حضرتهم
    جحا في ايده عكاز مظبوط كتف حمارته المسكينه
    شالوها بيتهم سوا الاتنين قالو الصقا فرض علينا
    وقال لابنه كلام معقول عشان تراضي الناس نحتار
    ياتشيل حمارتك علي كتفك يا يقولو عقلك عقل حمار



    dremy
    dremy
    قشطوخى فعال
    قشطوخى فعال


    عدد الرسائل : 123
    العمر : 43
    السٌّمعَة : 0
    نقاط : 0
    تاريخ التسجيل : 24/04/2008

    حواديت وحكايات جحا Empty رد: حواديت وحكايات جحا

    مُساهمة من طرف dremy الثلاثاء أبريل 29, 2008 8:51 am

    cheers حلو يا محمود
    ياريت تكمل

      مواضيع مماثلة

      -

      الوقت/التاريخ الآن هو الخميس مارس 28, 2024 12:05 pm