اهــــــلا بــــك
اســرة منتدى قشطوخ ترحب بك
ونبلغك بأنك تستطيع مشاهدة كافة الموضيع ولكن لا يمكنك الرد عليها
ان كنت تود اضافه رد فعليك بالتسجيل
نرجو ان يكون منتدانا هدفكم الذى تبحثون عنه


    على اسم مصر التاريخ

    شاطر

    منير
    قشطوخى صغير
    قشطوخى صغير

    عدد الرسائل : 91
    العمر : 28
    السٌّمعَة : 0
    نقاط : 50
    تاريخ التسجيل : 14/05/2008

    على اسم مصر التاريخ

    مُساهمة من طرف منير في الأربعاء أكتوبر 27, 2010 8:19 am


    صلاح جاهين كتب:

    اسم مصر


    على اسم مصر التاريخ يقدر يقول ما شاء


    أنا مصر عندي أحب وأجمل الأشياء


    بحبها وهي مالكة الأرض شرق وغرب


    وبحبها وهي مرمية جريحة حرب


    بحبها بعنف وبرقة وعلى استحياء


    واكرهها وألعن أبوها بعشق زي الداء


    واسيبها واطفش في درب وتبقى هي ف درب


    وتلتفت تلاقيني جنبها في الكرب


    والنبض ينفض عروقي بألف نغمة وضرب


    على اسم مصر


    مصر النسيم في الليالي وبياعين الفل


    ومرايه بهتانة ع القهوة .. أزورها .. واطل


    القى النديم طل من مطرح منا طليت


    والقاها برواز معلق عندنا في البيت


    فيه القمر مصطفى كامل حبيب الكل


    المصري باشا بشواربه اللي ما عرفوا الذل


    ومصر فوق في الفراندة واسمها جولييت


    ولما جيت بعد روميو بربع قرن بكيت


    ومسحت دموعي في كمي ومن ساعتها وعيت


    على اسم مصر


    أنا اللي اسمي حتحـور .. أنا بنت رع


    مثـال الأمـومـة ورمـز الحـنـان


    تفـيض حـلمـاتي وتمـلا الـتـرع


    وتسـقـي البـشـر كلهـم والغـيـطان


    نهايته يا مصر اللي كانت أصبحت وخلاص


    تمثال بديع وانفه في الطين غاص


    وناس من البدو شدوا عليه حبال الخيش


    والقرص رع العظيم بقى صاج خبيز للعيش


    وساق محارب قديم مبتورة ف أبو قرقاص


    ما تعرف اللي بترها سيف والا رصاص


    والا الخراب اللي صاب عقل البلد بالطيش


    قال ابن خلدون أمم متفسخة تعيش ليش


    وحصان صهل صحى جميع الجيش


    على اسم مصر



    النخل في العالي والنيل ماشي طوالي


    معكوسة فيه الصـور .. مقلوبة وانا مالي


    يا ولاد أنا ف حالي زي النقش في العواميد


    زي الهلال اللي فوق مدنة بنوها عبيد


    وزي باقي العبيد باجري على عيالي


    باجري وخطوي وئيد من تقل أحمالي


    محنيه قامتي .. وهامتي كأن فيها حديد


    وعينيا رمل العريش فيها وملح رشيد


    لكني بافتحها زي اللي اتولدت من جديد



    على اسم مصر


    مصر .. التلات أحرف الساكنة اللي شاحنة ضجيج


    زوم الهوا وطقش موج البحر لما يهيج


    وعجيج حوافر خيول بتجر زغروطة


    حزمة نغم صعب داخلة مسامعي مقروطة


    في مسامي مضغوطه مع دمي لها تعاريج


    ترع وقنوات سقت من جسمي كل نسيج


    وجميع خيوط النسيج على نبرة مربوطة


    أسمعها مهموسة والا أسمعها مشخوطة


    شبكة رادار قلبي جوه ضلوعي مضبوطة


    على اسم مصر


    وترن من تاني نفس النبرة في وداني


    ومؤشر الفرحة يتحرك في وجداني


    وأغاني واحشاني باتذكرها ما لهاش عد


    فيه شيء حصل أو بيحصل أو حيحصل جد


    أو ربما الأمر حالة وجد واخداني


    انا اللي ياما الهوى جابني ووداني


    وكلام على لساني جاني لابد أقوله لحد


    القمح ليه اسمه قمح اليوم وأمس وغد


    ومصر يحرم عليها .. والجدال يشتد


    على اسم مصر


    ياترى دلوقت ممكن نقول كده
    avatar
    MeMo MoR
    قشطوخى مميز
    قشطوخى مميز

    عدد الرسائل : 425
    العمر : 30
    السٌّمعَة : 4
    نقاط : 81
    تاريخ التسجيل : 06/04/2008

    رد: على اسم مصر التاريخ

    مُساهمة من طرف MeMo MoR في الأربعاء أكتوبر 27, 2010 11:31 am

    معتقدش إننا نقدر نقول كده تاني

    حسام
    قشطوخى نونو
    قشطوخى نونو

    عدد الرسائل : 1
    العمر : 26
    السٌّمعَة : 0
    نقاط : 1
    تاريخ التسجيل : 26/11/2008

    رد: على اسم مصر التاريخ

    مُساهمة من طرف حسام في الأربعاء أكتوبر 27, 2010 3:13 pm

    مش من حقك تكرة بلدك
    انته بتقول حقوق
    لكن مش من حقك تكره بلدك

    ابوفاروق الخطيب
    قشطوخى نونو
    قشطوخى نونو

    عدد الرسائل : 43
    العمر : 37
    الموقع : بلدي لوشغلت بالخلدعنكي نازعتني اليكي في الخلد نفسي
    السٌّمعَة : 11
    نقاط : 56
    تاريخ التسجيل : 01/10/2010

    رد: على اسم مصر التاريخ

    مُساهمة من طرف ابوفاروق الخطيب في السبت أكتوبر 30, 2010 10:07 pm

    والله ياخي اكلام ده مش عارف اقوللك ايه انا بس بستغرب انت عندك تناقض فظيع ازاي قادر تحب بلدك وفي نفس الوقت تكرهها وتسبها انا للاسف مش معاك مصر فوق الجميع رغم انف اي حد ومش ممكن نسمح لحد انه يهينها وانت لازم تمنعني لو انا فكرت اقول حاجه غير كده ممكن تراجع نفسك تلني مش عيب وانا عارف انه انته بتحب بلدك اكتر مني بس الفرق انه انا معرفتش قيمتها الا لما سيبتها وسافرت بعيدعنها صدقي والله العظيم من اجمل بلاد العالم مصر ومن اطيب وارجل واكرم شعوب العالم المصريين واطلع بره مصر وشوفهم بحب مصر

    um_zeyad
    قشطوخى نونو
    قشطوخى نونو

    عدد الرسائل : 28
    العمر : 35
    الموقع : في مكان بعيد عن الناس كلها ... بعيش في بيت صغير لوحدي وبنام وبصحى على صوت العصافير وعندي جنينة صغيرة كلها ورود ولونها أبيض بس علشان الورود البيضا بتفكرني بحاجه حلوة
    السٌّمعَة : 3
    نقاط : 37
    تاريخ التسجيل : 10/10/2010

    رد: على اسم مصر التاريخ

    مُساهمة من طرف um_zeyad في الخميس ديسمبر 16, 2010 6:59 pm

    نفسي أعيش في مصر وأكمل حياتي هناك ونفسي أموت في أرضها وتبقى روحي على طول هناك

      الوقت/التاريخ الآن هو السبت يوليو 21, 2018 7:11 am