اهــــــلا بــــك
اســرة منتدى قشطوخ ترحب بك
ونبلغك بأنك تستطيع مشاهدة كافة الموضيع ولكن لا يمكنك الرد عليها
ان كنت تود اضافه رد فعليك بالتسجيل
نرجو ان يكون منتدانا هدفكم الذى تبحثون عنه


    يامصر كنتى امى " منقوله "

    شاطر

    somaa
    مشرف
    مشرف

    عدد الرسائل : 68
    العمر : 26
    السٌّمعَة : 3
    نقاط : 116
    تاريخ التسجيل : 08/12/2010

    يامصر كنتى امى " منقوله "

    مُساهمة من طرف somaa في السبت ديسمبر 11, 2010 1:37 am

    مصر يا أمي ،، يا أم الحَضاره
    يا بَلد الأمان ،، يا نَهض العِمـاره

    عبرنـا عَشانِك ،، وروحنـا فدائِك
    ده نِيلِك فـ دَمِي وقَلبي يا أمي

    كتير إدنالَك وياما خَدنـا مِنِك
    مَهو إحنا عَشانِك وأنا فـ حُكم إبنِك

    ندائي يا أمي ،، بنَادِي عَليكي
    أنا نِفسي أضُمِك وأكون بَين إيديكِي


    تعِبت كِتير يا أمي وإنتي مُش حاسه بَيـا
    والله نايِم جَعان وفي غَيري مِيه

    عيالِك
    مِحتاجِينِك وإنتِي مُتجهلاهُم
    ده يَاما شالو طِينِك وبَردو مُش شيفاهُم

    يا أمي شوفي شبابِك ،، كتير بيروحو مِنِك
    يا أمي حِني عَليهُم ،، والله تِعبو مِنِك

    سمِعت
    كَلام أبويـا ،، مهو ده اللي شاف خَيرِك
    قَبل ما يمُصوهـا ،، ويَبقي النَيل لغَيرِك

    سمعته
    مَره قال ،، دِيه أمكُم يا عيـال
    طَب إزاي يا أبويا دِيه أمِي ونَبضِي مِنها إتشال

    أنا مُش عايز
    الجاه
    أنا عَقلي والله تـاه
    أنا بَس عايز
    السَتر
    ،، ودَه إللي بَتمنـاه

    يا أمِي حِسي بِينـا ،، كِفايـا إللي شوفنـا
    عيزينِك مَره لِينـا ،، ونحِس بالحَيـاه

    كتِير مِنـا نايميين ،، بيحلمو بالخَير
    و ناس تـانيه عَايشيين ،، بيهبشو فـ الغَير

    أنا عَنِك يا أمي غَريب ،، وسُـياحِك أعز
    حَبيب
    إزاي وأنا إللي بَنيت ،، ده جزاتِي إنِي لَبيت
    ؟؟



    عساكرِك كِتير عارضونِي ومِنهُم إللي ضربونِي
    ولو سألت لِيه ،، يقولِي وإنت أيـــه ؟؟

    أقوله أنا إبنَهـا وقَلبي مضَحِي بِيه
    يقولِي .. مِين قَالها إللي إنت قَولت عَليه


    يا أمِي حَسبي عَلينـا ،، دَه إحنـا كِتير إشتكينـا
    مِن قَسوة الحِرمـان
    جِبالِك قدام عِينيـا ومِتحرمه عَلينـا
    وأنا جه غيري يقول ،، ينداس عليه وعَلينـا

    يا أمِي نِيلِك بيصفي والخَير بيروح لغيريك
    يا أمِي كفايه غَفوه وقومِي ورُدي خِيريك


    شبِعنـا يامـا
    تَصويت
    علي مِين يمثلنـا
    يدوب يومين
    تَثبيت
    ونرجَع عَلي حَالنـا


    أنا فِي غيري كِتير،، قلوبهُم فيهـا خَير
    بَس أنياب الأسود ،، بتنهَش مِن غَير زائير

    أنا مُش عايزك يا أمِي ونيلك مبقاش فـ دَمِي
    مهو زَيِك زَي غَيريك ،، مِين عارِف مَصيريِك

    وقِفنـا لِيكي كِتير ،، عَشان نِحمِي أرضِك
    وأتاري دَه للغَير ونِسيو اللي صانو عَرضِك


    كفايه بَقي
    أشعار ... كِفـايه إستهتـار
    حَسبي عَلي روحِك ليولعوكِي بالنـار

    ويوميهـا مُش حَحزَن ،،، عَشان ربِنـا قَال
    لَك يوم يا ظالِم ده أنا ( عادِل جَبـار )


    مِن النهارده أنا
    يَتِيـم
    وإوعِي تِنـادِي لَيـا
    أصل أنا لَو لَئيـم كان زَمـانِك بَين إيديـا

    إزاي إنتي أمي وعَ الظُلم تشَجعِيني
    دِيه الأم مَدرسـه وبالحَلال تِسقِيني

    مُش
    هَسأل
    تَانِي فِيكي
    ومُش
    هَبكِي
    تانِي عَليكي
    ما أنا يَامـا كِتير بَكِيت ومِن الإهـانه إتزلِيت

    والله كُنت
    بَحبِك
    وكُنِتي في عِيني كبيره
    ده أنا فـ الإحتِلال
    حَرَرتِك ،، يا سِت الكُل يا أصيلـه

    ألومِك لَيه وعلي أيـه
    مهو دَه إللي خَدتِي عَليـه

    مبقَاش فِي طَبقـات
    بقِينـا إحنـا عاهات

    ناس علي
    ريِش
    تِنـام
    ونـاس
    مَلهـاش
    مَنـام


    اليوم أنا
    يَتِيـم
    ،، كِفايه بَقي أحلام





    لدرجاادى بقينا ايتاام من غير امنا
    امنا الى ضاعت وسط غابة كلها فساد وظلم زيينا بالظبط
    فى حد هيتعب نفسو وينقذها من كل دااااااا
    ونرجع أمنا االضاعت مننا
    ولا؟

    كل الاقصدو من التوبيك دا
    والقصيدة الفوق دى منقولة طبعا
    بسس جيباها
    عشان اعرف لدرجااااااااااااادى وصل بينا الحال لنقول كلام كبييير زى دا ونعانى ونشعر بحجات بجد صعبة اوووووووووووووووووى
    هنفضل أيتام طول عمرنا ولاااية؟

      الوقت/التاريخ الآن هو الأربعاء ديسمبر 13, 2017 8:11 am