اهــــــلا بــــك
اســرة منتدى قشطوخ ترحب بك
ونبلغك بأنك تستطيع مشاهدة كافة الموضيع ولكن لا يمكنك الرد عليها
ان كنت تود اضافه رد فعليك بالتسجيل
نرجو ان يكون منتدانا هدفكم الذى تبحثون عنه


    حواديت وحكايات جحا

    شاطر

    محمود سعيد
    قشطوخى نونو
    قشطوخى نونو

    عدد الرسائل : 16
    العمر : 35
    السٌّمعَة : 0
    نقاط : 1
    تاريخ التسجيل : 25/04/2008

    حواديت وحكايات جحا

    مُساهمة من طرف محمود سعيد في الثلاثاء أبريل 29, 2008 2:34 am

    انا اشتريت كتاب اسمه نوادر جحا عجبني قلت اخليكم تقروه معايا كتبت المقدمه اهي
    وكل يوم هكتبلكم صفحه من الكتاب لحد ما نخلصه لو عجبكم هنكمل
    هيا قصص علي شكل اشعار وفي نفس الوقت مضحكه معرفتش احطها في انهي ركن عموما لو هيا مكانها مش هنا انقلوها


    شخصيه جحا نادره عجيبه عاشت في كل زمان ومكان
    كان فليسوف بس بطيبه وبرده اهبل في الاحيان
    سمعنا عنه وكان ياما كان وكل جيل يسمع نوادره
    قرينا عنه كتير وكتير لسه الي جاي بكره هيقرا
    مايهمناش كان عايش فين في مصر ولا في تركيا
    عايزين بنكته نعيش راقيين بنكته الراقيه الشعبيه
    شخصيه جحا مش خرافيه والبحث اثبات كان موجود
    وانا قريت وتعبت شويه لاجل الاحبه بذلت جهود
    يا مبوزين دي الدنيا بخير والضحك احسن شئ فيها
    ماحناش حانفضل فوقها كتير ايام قليله بنقضيها
    وهنسيبها وعلي طول ماشيين يبقي ليها ننكد فيها
    ===================================
    اهي اول صفحه _1_

    جحا في يوم قال لجيرانه لو جبتو الحلل عندي تخلف
    قالو عليه الناس مجنون عبيط وجاهل بيخرف
    فيه جاره قالت مش يمكن المعجزات من تاني تعود
    ودت نحاس البيت كله وكل حله تجيب مولود
    راحت له بعد ما فات شهرين تسأل بلهفه علي نحاسها
    قام قال لها حللك واضعين وكل حله في نفاسها
    بعد اسبوع ابقي تعالي تاخدي الصغار وتربيهم
    فات الاسبوع دغري راحت له عايزه الحلل تطبخ فيهم
    جحا اللئيم دغري اداها حبه حلل قد الفناجين
    قال دول ولاد حللك ياختي صبرك شويه الصبر جميل
    الجاره فرحت واتهنت بكنز جالها ما كان علي البال
    دارت في وسط الحاره تقول جحا ملهوش في الدنيا مثيل
    سمعو الجيران منها وراحو واخدين نحاسهم كله قوام
    علي بيت جحا في الحال ودوه من غير مناقشه واي كلام
    راحوله بعد الشهر ما فات مستنظرين ياخدو المواليد
    جحا اللئيم دغري قابلهم وقال كفي الله الشر بعيد
    حللكو ماتو لا حول الله ساعه الولاده وحعمل ايه
    اعمار بيد الله فعلا والموت ما حد يعارض فيه
    قالو هيه الحله تموت ما تقول كلام غير دا يا جاهل
    قال اللي تولد برده تموت مفيش مكاسب بالساهل





    جحا في يوم رايح مشوار راكب حمارته ومستعجل
    وابنه ماشي بيجري وراه عايز كمان راخر يوصل
    الناس شافوهم قالو خلاص مفيش في قلب الناس رحمه
    راكب وسايب ابنه وراه يتعب ويعتر في الزحمه
    جحا سمع قول المخاليق قام خد وراه ابنه الغالي
    الناس شافوهم قالو حرام الاتنين كدا راكبيت عالي
    نزل جحا علشان الناس وخلا ابنه خلاص راكب
    الناس قالوله يا راجل عيب وضعك يا راجل مش عاجب
    ازاي تسيب ابنك يركب وانت وراه ماشي بتجري
    هيه الاصول ضاعت يعني ولا الادب راح من بدري
    جحا زهق من قول الناس وقال لابنه خلاص انزل
    فاتو الحماره ومشيو الاتنين ورا منها العقل اتبرجل
    الناس قالو لا حول الله ماشين وسايبين حمارتهم
    صحيح غباوه وشغل جنان الله يخيب حضرتهم
    جحا في ايده عكاز مظبوط كتف حمارته المسكينه
    شالوها بيتهم سوا الاتنين قالو الصقا فرض علينا
    وقال لابنه كلام معقول عشان تراضي الناس نحتار
    ياتشيل حمارتك علي كتفك يا يقولو عقلك عقل حمار



    avatar
    dremy
    قشطوخى فعال
    قشطوخى فعال

    عدد الرسائل : 123
    العمر : 36
    السٌّمعَة : 0
    نقاط : 0
    تاريخ التسجيل : 24/04/2008

    رد: حواديت وحكايات جحا

    مُساهمة من طرف dremy في الثلاثاء أبريل 29, 2008 8:51 am

    cheers حلو يا محمود
    ياريت تكمل

      الوقت/التاريخ الآن هو الأربعاء ديسمبر 13, 2017 8:19 am