سوبر ماركت حبنا (((يا ترى هيكون شكله ايه ؟؟؟)))فتى او فتاه احلامك؟؟

نهار خارجي- الجامعة

شلة كبيرة من الأصدقاء تجتمع معا في جلستها المفضلة على النجيلة الخضراء التي تتوسط الحرم، بعد أن انتهوا من "النميمة" الصباحية، وبعد أن فرغوا من لعب "X" "O" يدخلون في نقاش حامي الوطيس -أيوه الوطيس- هذه هي تفاصيله:
"منة": أنا شخصيا شايفة إن فتى أحلامي لازم يكون في وسامة "هاني سلامة" ورجولة "عمرو زكي" وشياكة "هاني البحيري" وحرفنة "أبو تريكة"!

"هيثم": ده على أساس إن حضرتك واقفة في سوبر ماركت وبتطلبي كوكتيل رجالة!

"نسمة": ما عندها حق ما تقول لنا إنت ياخويا مواصفات فتاة أحلامك إيه؟

"حازم": عنك إنت يا "هيثم".. أنا هأتكلم نيابة عنك وعن جيلي كله.. لازم طبعا تكون في جمال "غادة عادل" وأنوثة "وفاء عامر" وبتلبس هدوم زي "رزان"!

"داليا": اتفضل يا سيدي أهو الأخ كمان راح نفس السوبر ماركت.. بيقول لك عاوزها بتلبس زي "رزان".. "رزان"!

"أحمد": خسئتم!.. إيه التفاهة دي.. مش ملاحظين إن كل مواصفاتكم تليفزيونية بحتة.. وكلهم يا إما ممثلين وممثلات على لعيبة كورة.. وكأن مفيش في الدنيا غيرهم..

"نسمة": ماشي يا عم المثقف.. خلينا إحنا ناس وحشين وقول لنا إنت يا سيدي السوبر ماركت بتاعك بيبيع إيه؟

"أحمد": فتاة أحلامي.. ياه.. فتاة أحلامي.. ياه.. فتاة أحلامي.. ياه.. فتاة أحلامي.. ياه.. فتاة أحلامي.. يـ........

"حازم": ياه! خلاص عرفنا إن فتاة أحلامك ياه.. أيوه تركيبتها جاية منين يعني؟

"أحمد": ياه!.. طبعا لازم تكون بريحة الكتب.. حاجة كده طالعة من روايات "نجيب محفوظ" وقصص "يوسف إدريس" ومسرحيات "علي سالم".. فيها جدعنة أنوثة وبنت بلد.. زي بطلة قصة (الحب فوق هضبة الهرم) كده..

"منة": آه حضرتك عاوز تعمل معاها فوازير (عالم ورق ورق) يعني!

"محمود": يا جماعة ده ذوق الراجل يبقى لازم تحترموه.. وبعدين هو بيتكلم صح فعلا.. طب أنا مثلا نفسي أتجوز واحدة تكون مهتمة بالسياسة.. زي مثلا "هيلاري كلينتون" ولاّ "سارة بالين" ولا حتى زي "شاهيناز النجار" قبل ما تعتزل السياسة.. دي بصراحة الواحدة اللي لازم أرتبط بيها.. تخليني كده دايما مصحصح ومفوق وعاوز أتفوق دايما عشان ننجح مع بعض!

"نسمة": وإن شاء الله في الآخر تشرفوا مع بعض في السجن!

"عمرو": بس تصدقوا إن عمري ما جه في بالي إن فتاة أحلامي تكون ممثلة ولا مذيعة ولا حتى واحدة من بتوع رفع الأثقال!

"داليا": أمال كنت بتحلم إنها تكون زي الست "كوثر" بتاعة الجرجير اللي على أول الشارع ها ها!

"عمرو": ها ها! ومبسوطة قوي كده ليه.. طب تصدقي فعلا إني كنت أحيان كتيرة بأفكر إنها تكون زي الست "كوثر" بتاعة الجرجير؛ لأنها مكافحة وعندها قدرة تخليها تتحمل الكوارث والمصائب بعزيمة وقوة مبهرة.. هو حد يطول يلاقي واحدة زي كده اليومين دول.. وكل جيل البنات بعيد عنك عامل زي ورق البسكويت.. يعني حتى مش جامدين زي البسكويت اللي شوية شاي سخن بيدوبوه!

"ندى": طب ياخويا.. خلينا إحنا في البسكويت وخليك إنت في الجرجير!.. إيه ده.. شفتم مين اللي ماشي هناك.. ده "تامر حسني" ومعاه "زينة" كمان!

يقوم الجميع من مكانه في سرعة ويفلسعون نحو المطرب والممثلة!
لو كنت خلاص شفت "تامر حسني" و"زينة" ورجعت تقرأ الموضوع
خلينا نتكلم شوية كمان!

الموضوع المرة دي يترى بقى انت او انتى بتحلمو بايه فى اللى تحبو تشاركو حياتكم وبقول تشاركوه مش تصحبوه ....؟

انتي داخلة سخنة اوي
موضوع رائع
جامد موووووووووت
اقدر اقولك مبروك علي الاشراف

موضوعك جامد اوى بس انا شايفه بالنسبه للمواصفات الشكليه متعتبرش جوهريه لو انا حبته حبقى شايفها احسن واحد حتى لو شكله وحش بس ده برده ميمنعش انه لازم يكون مقبول ولازم يكون فى تناسب يعنى مش وحده واحشه تبقى عايزه واحد زى احمد عز وكده لكن اهم حاجه ودى الحاجه الاساسيه انا عن نفسى مواصفات فتى احلامى تتوافر ف كلمه واحده انه يكون راجل بجد و كلمه راجل دى صعبه جدا انك تلقيها ف زمن ده وياريت اعرف كلمه راجل بالنسبالك تعنى ايه

شكرا ليك يا فان انت واميره الظلام
على ردودكم وتشريفكم بابى المتواضع وانت يا اميره ايه مفهوم الراجل عندك انت الاول احب اعرف وهبقى ارد عليكى

مش عارفه بالظبط لكن انا حاسه انها كلمه جامده اوى صعب تكون موجوده ف الزمن ده يعنى انه يكون حنين وميكونش بخيل وانه يفهمنى من عنيا يعنى يفهم الحاجه من غير منا اطلبها لانك لما بتطلبى الحاجه غير لما بتجيلك برده ليها بهجتها فاهمنى انه يكون طفل قدامى يكون حاسس مخلص ودى صعبه اوى انك تلقيها يخاف عليا انه يكون عاقل جدا وحكيم وف نفس الوقت يكون تلقائى ومجنون مش عارفه افهمالك ازاى بس ممكن تقول يعرف يفرق بين كل وقت ومطالباته ويكون الحضن الدافى لانه حيكون حياتى بس اهم حاجه وف زمانا ده واصعب حاجه تلقيها هى انه يكون مخلص وحاجات تانيه ابقى اقولهلك لما اعرف تعنيالك ايه الكلمه راجل

اميره الظلام كتب:مش عارفه بالظبط لكن انا حاسه انها كلمه جامده اوى صعب تكون موجوده ف الزمن ده يعنى انه يكون حنين وميكونش بخيل وانه يفهمنى من عنيا يعنى يفهم الحاجه من غير منا اطلبها لانك لما بتطلبى الحاجه غير لما بتجيلك برده ليها بهجتها فاهمنى انه يكون طفل قدامى يكون حاسس مخلص ودى صعبه اوى انك تلقيها يخاف عليا انه يكون عاقل جدا وحكيم وف نفس الوقت يكون تلقائى ومجنون مش عارفه افهمالك ازاى بس ممكن تقول يعرف يفرق بين كل وقت ومطالباته ويكون الحضن الدافى لانه حيكون حياتى بس اهم حاجه وف زمانا ده واصعب حاجه تلقيها هى انه يكون مخلص وحاجات تانيه ابقى اقولهلك لما اعرف تعنيالك ايه الكلمه راجل

عايزاه بشنب ولا من غير
ده موجود وله زبونه وده موجود وله زبونه

حد عاوز يقول حاجه
تانى

خليك فى حالك يا حيوان انته وهو

marwa كتب:خليك فى حالك يا حيوان انته وهو

ههههههههههههههههههههههههههههههههههههههههههههههههههههههههههه
فاتت جنبنا انا وهو
وضحكت لنا انا وهو
الخق يانجم خدت لقب حيوان
الحق قبل متاخد لقب تانى
اما بالنسبه ليه انا عادى
مهو مش ذنبك ماهى قله الادب والسفاله دى حاجه فى الشخصيه هتعملى ايه بقه
يلا يا قط او ياقطه
جو تو هيل

[i]

[i]