| حب ما تعمل ..حتي تعمل ماتحب |
وسألت نفسي كدا سؤال عابر ..لاني بحب بردو ارخم علي نفسي ..وبغتت علي تفكيري دايما ..
اللي قال الجمله دي كان يقصد ايه؟
انه يحببني ف حاجه بكرهها عشان ارضي بالامر الواقع؟
طيب امتي هعمل الحاجه اللي بحبها؟ وليه اقبل اني اعمل حاجه مش بحبها واغصب علي نفسي احبها؟
سهله اني احب حاجه بكرهها واغصب علي نفسي
بس ياتري هبقي متقن او مبدع بمعني اصح للعمل دا؟
انا شايفه انه لا ..لو بحب حاجه واشتغلت فيها مثلا هبقي مبدع ومتميز ..
وبالنسبالي هتبقي تسليه..مش شغل ..
طيب ما الاحسن ادور علي حاجه بحبها ...
بس فكرت بردو بعقل شويه ومن غير رخامه...
قولت اخليني واقعيه ..لو مثلا دخلت كليه انا مش بحبها ونجحت فيها اول سنه مع اني مش متقبلها
ياتري هقبل اروح كليه تانيه بحبها بعد كدا او اشوف اي كليه اكون مرتاحلها؟
اكيد هيبقي قرار صعب وهيبقي فيه خساير
بس بردو انا مش مع الجمله دي ..مش هحب ما اعمل ..وهشوف بحب ايه واعمله..
او ع الاقل هشوف حاجه متقبلاها ..
جوة كل واحد فينا موهبه مدفونه او اتقان لحاجه او مهارة ..يمكن محتاجه بس تتنمي ..
بس للاسف حاليا بقي صعب الاعتماد علي حاجات تعتبر خيالات وبتواجه صعوبات ..
وعشان كدا مقوله حب ما تعمل ..بتبقي راجحه ف اغلب الاوقات ..مع ان الواحد مش هيبقي بيحب مايعمل
هيبقي بيحبب نفسه فيه ..
انا مش مع المقوله دي ومش مع احمد حلمي ..
الواحد بيعيش مرة واحده...مش هيعيشها بيحاول يحبب نفسه ف حاجه مش بيحبها.