السلام عليكم
انا مش عارف بجد انا هكتب ايه ....بس انا لازم هكتب
وقفنا جميعا نفخر بالثورة المصريه
وانا من اوائل من هتفوا بأسم الثورة لأننى كنت مؤمن بها
ومبارك اتنحى وخلاص بقى ننسى المظاهرات ونقف نبنى البلد.. البلد محتجانا عشان نثبت اننا كويسين
ونعوض خسارتنا ولقينا الكل بيقول مصر خلاص ياجدعان بقت من الدول المتقدمه
بالكلام وبس احسن حاجه فى الشعب المصرى الكلام اسقطنا النظام بالكلام وهنطور البلد برضه بالكلام
واسرائيل خلاص هيطلع عينها واحنا خلاص عملنا نووى وفلسطين اتحررت
كل الأحلام دى كانت كلام .... كلام وبس مفيش اكتر من كدة
انا زهقان على حال البلد .... البلد بضيع وكنت بصبر نفسى واقول معلش دى ضريبه النجاح
بس هوه فين النجاح
احنا منفعش نعيش فى ديمقراطيه ولا حريه لازم يبقى فيه واحد راكب فوقنا ماسك كرباج عشان نشتغل
لا بنينا الأهرمات بالحريه ولا حفرنا قناة السويس بالحريه ولا بنينا السد العالى بالحريه كله بالكرباج
احنا اتعودنا نضرب على قفانا امن زمان زمان اوى
ازاى هتيجى فجأة وتقولى معدش فيه ضرب......معدش فيه ضرب
وتعاله نشتغل بمزاجنا عشان بلدنا تطور ...بكل بجاحة نرد ونقول
لاء مش شغال ...... مش شغال ليه ياعم مش شغال داحنا شيلنا الظالم ودلوقتى بتشتغل بحريه
يرد بكل تلامه مزاجى مش هشتغل لو عاوزى اشتغل حققلى كذا وكذ وكذا وكذا و......... مطالب تعجزيه
اخر خبر ورد الينا بقيام مجموعه من الماعز بوقفه احتجاجيه ويطالبون بتحقيق مطالبهم وهى :ـ
هما زهقوا من الأكل اللى بياكلوه وعاوزين ياكلوا عيش فينوا ويكون صابح يوم ويومه
الماعز عاوزين يشاركوا فى الحياة السياسيه
عاوزين يلغوا نتيجه الأستفتاء ويعملوة تانى مع اعطائهم حق التصويت
كما طالبوا بمحاكمه المعزة رشيدة والغاء مسلسل بكار وذلك لأن المعزة انفردت لوحدها بالتمثيل
ويتهموها بإهدار المال العام وانها هى احد اسباب سرقه الأثار من مصر
وكانت بتمنع اى حد انه يظهر وده طبعا بمساعدة سوزان مبارك
كما يطالبون بأحقيتهم بالترشح للرئاسه فى الفترة القادة
كما يطالبون بعمل حزب سياسى اسمه احنا المعيز يحلاوة علينا
كما يطالبون بحقهم فى العلاج وحقهم فى ارض مصر
وانهم هم الأولى بتولى امر البلاد الفترة القادم بعدما فشل الأنسان فى ادارتها
وفى النهايه قد بدأت المعيز بثورتهم
وغدا سوف نجد الحمير فوق كرسى الرئاسة
مع تحياتى
محمد سعيد
اللى مش عارف هوه بيقول ايه
