مشروع المجارى الفاشل
السلام عليكم
انا مش عارف اقول ايه لأنى بجد حزين جدا على الفكرة اللى جمعت الناس كلها
الفكرة اللى رسمت اجمل صورة للقريه
ولكن للأسف الصورة لم تكتمل فهى مرسومة بالقلم الرصاص ويسهل مسحها
عندما رأينا ان المشروع تحول الى مصالح شخصية كتبنا وقلنا لا للمصالح المستخبية تنبأت بأن هذا المشروع لن يرى النور
انا عاوز اعرف مين السبب وراء فساد المشروع
هل المقاول اللى كان كل ما يتغدا فى بيت بعد مايتغدا يقول للشغالين معاه وصلوة لصحاب البيت؟
هل السبب فى اللجنه التى كانت مكلفة فى البداية ؟
هل السبب من اهل قشطوخ عموما ؟
.............................................................................
ان ارجو ان اجد سبب مقنع
السبب من وجهت نظرى
ان احنا اضحك علينا اضحك على كل اهل البلد
حكاية لم الفلوس من البداية كانت غلط
كان المفروض يكون الدفع على الفرد يعنى كل فرد يدفع خمسين جنية مثلا
او يكون الدفع على الأسرة يعنى كل اسرة تدفع 350 مثلا
لكن انهم يلموا من كل بيت 350 جنية كانت فكرة فاشله
مثلا انا منزل مكون من 4 اسر ادفع زى البيت المكون من اسرة واحدة اكيد ظلم ويقلك احنا بنلم على عداد المياه
ورغم كدا الناس وفقت وبدؤا يدفعوا الفلوس
على اساس 350 جنيه بس والمجارى توصل لحد البيت يعنى هوه ملوش دعوة بحاجه
قلك لاء 350 جنيه وكل واحد يوصل لنفسه قلنا ماشى
قلك لاء ده كل واحد يدفع 200 جنيه عشان نوصله واللى هيوصل لنفسه هيدفع 100
طب انته عاوز الناس تصدق الناس دى وتصدق الكلام الفارغ
خلصنا من موضوع جمع الفلوس الموضوع بدء زى الفل لحد مابدأنا ندخل البلد
.كل واحد ليه صله بالمشروع يخلى الراجل يعمل غرفه قدام بيته وتقول ايه لما واحد يدخلولة الماسورة الرئيسية لحد البيت يبقى نقول ايه
انا عن نفسى قلت
a7aaaaaaaa
كان المفروض طبعا ان فيه مهندس موجود دايما مع المشروع والعقد كان بيقول كده
للأسف مفيش مهندس جه .................... (مهندسين مين ياجدع هما بيفهموا حاجه )احنا بنفهم احسن من المهندس طبعا ده كلام العمال
لما يحفروا فى شارع بحرى الرئيسى بالعمال ويحفروا فى شارع السلالكة الفرعى بالحفار يبقى ايه
وبعد كدة يظهر البطل الهمام اللى هينقذ المشروع ونلاقيه عنده شويه مواسير وكان عاوز يبعها يعنى بيمصلح على حساب اهل البلد
انا قلت المشروع ده فاشل ردوا وقالى واحد
يامحمد ده احسن المشاريع الفاشله ولو انته اتكلمت يبقى بتبوظ المشروع ومينفعش تتكلم
وحصلى مشكلة كبيرة
عشان انا كنت بعطل عجله التنمية للمشروع
اهل قشطوخ كلها بتسأل فلوسنا راحت فين
المفروض اللى يتحمل تكلفة المشروع اللجنه اللى كانت مسئوله انها تعمل المشروع وبناءا عليه الناس دفعت فلوسها
العيب مش فى البلد ولا فى اهلها العيب فى الناس اللى احنا وثقنا فيهم وحثينا انهم عاوزين مصلحتنا
المهم ان حصل شئ غريب الجمعه السابقه يوم 25-3-2011
لقيت كل البلد عماله توصل لدرجة ان اهل البلد سموا الجمعه دى
بجمعه التوصيل
على غرار جمعات الثورة
فى النهايه
مشروع المجارى مشروع غير صحى بنسبة 100%
الصرف الصحى هو التخلص الأمن من المخلفات السائلة ويكون بطريقة صحيه وهو اما عن طريق معالجتها
اللى عندنا ده عمرة مكان صرف صحى ده صرف مميت
من الأخر المشروع ده سمك لبن تمرهندى
